【明星理財】岑珈其體會創業如湊BB　凡事親力親為才有回報

藝人岑珈其日前為銀行拍攝廣告，剛升為人父，及創立辣魚醬的他，演藝工作忙過不停，表示做老闆不可以懶，要親力親為睇住盤生意。

珈其說：「作為中小企老闆凡事都要親力親為，其實管理間公司真係好繁瑣，今次拍廣告知道銀行網上服務真係好幫到手！因為如果做網店收款唔方便，好易比人棄單，所以簡化程序好重要。」

▲ 一身兼多職。

他又分享：「其實做生意同養BB一樣，都係要出心出力，不時都要做到『嘔血』！初初出嚟搞生意，真係嫌24個鐘唔夠用，呢頭同老婆講早抖，自己就出廳繼續開會，真係好內疚冇咩時間陪佢。當時咩都唔識會撞板，試味都試到麻木。直到做到第一單生意，真係感動到想喊出嚟。」
 
雖然創業佔去大部份時間，更要在家庭、演藝事業忙碌，不過珈其未諗過放棄：「創業初時忙到瞓都冇得瞓，但我覺得呢隻味係好嘅、有得搞，所以點都堅持落去！我同自己講，一定會吸引到人，而且堅持係身教，未來可以同仔仔講翻個經驗，比佢知只要比心機、堅持就有希望。」

最新影片：